Tehilim 98
מִזְמוֹר שִֽׁירוּ לַיהֹוָה שִׁיר חָדָשׁ כִּי־נִפְלָאוֹת עָשָׂה הוֹשִֽׁיעָה־לּוֹ יְמִינוֹ וּזְרֽוֹעַ קָדְשׁוֹ: הוֹדִֽיעַ יְהֹוָה יְשׁוּעָתוֹ לְעֵינֵי הַגּוֹיִם גִּלָּה צִדְקָתוֹ: זָכַר חַסְדּוֹ וֶאֱמוּנָתוֹ לְבֵית יִשְׂרָאֵל רָאוּ כָל־אַפְסֵי־אָֽרֶץ אֵת יְשׁוּעַת אֱלֹהֵֽינוּ: הָרִֽיעוּ לַיהֹוָה כָּל־הָאָֽרֶץ פִּצְחוּ וְרַנְּנוּ וְזַמֵּֽרוּ: זַמְּרוּ לַיהֹוָה בְּכִנּוֹר בְּכִנּוֹר וְקוֹל זִמְרָה: בַּחֲצֹצְרוֹת וְקוֹל שׁוֹפָר הָרִֽיעוּ לִפְנֵי הַמֶּֽלֶךְ יְהֹוָה: יִרְעַם הַיָּם וּמְלֹאוֹ תֵּבֵל וְיֽשְׁבֵי בָהּ: נְהָרוֹת יִמְחֲאוּ־כָף יַֽחַד הָרִים יְרַנֵּֽנוּ: לִפְנֵי־יְהֹוָה כִּי בָא לִשְׁפֹּט הָאָֽרֶץ יִשְׁפֹּט־תֵּבֵל בְּצֶֽדֶק וְעַמִּים בְּמֵישָׁרִים:
Fuente
Siddur Ashkenaz, Shabbat, Kabbalat Shabbat, Psalm 98
- Versión:
- The Metsudah siddur, 1981
- Idioma:
- he
- Licencia:
- CC-BY
- Atribución:
- https://www.nli.org.il/he/books/NNL_ALEPH002211687